Hathon Ko Gora Kaise Karen

Hathon ko gora karna tamam khawateen ka ek bara masla hai. Aaj ke blog mein hum baat karenge Hathon ko gora kaise kare. Creams tu app logon ne bohat istemal ki hogi par cream se app ko wo result nahi mile honge jaisa app chahte hu sirf natural way se hi app apne hathon ko na sirf gora kar sakte hu balke iss se koi nuksan bhi nahi hone wala tu chalein phir bina kisi dairi ke jaldi se start karte hain. Jab hum hathon ki baat kar rahe hain tu zahir si baat hai sabse pehle homemade manicure tu lazmi karna hoga, or manicure ke liye sabse pehle zarori hai nail paint ko remove karlein agar laga hai tu. Nail paint remove karne se nail ki gandagi or sides py jo mail wagera jam jati hai wo sab remove ho jayegi aur aapke nail direct remedy ke contact mein aa jayeinge aur saath saath nails ka peela pan bhi khatam ho jayega. Ab hum tayar karein gay ek scrub bohat hi asaan or sada sa hai magar result dekh kar app hairan hojaogy saath mein yahan hum 2 steps ko follow kareinge pehla scrub or dosra pack ye dono cheezein banana bohat asaan bhi hai aur ye tamam cheezein app ko apne ghar mein araam sy mil bhi jayeingi tu is ke liye jo ingredients apko chaye wo ye hai.

Ingredients 

1. Masoor daal (Red Lentil) - 1 Tablespoon  
2. Nariyal Ka Tail (Coconut Oil) - 1 Tablespoon 
3. Nimbo (Lemon) - 1 Piece
4. Shampoo / Shower Gel - ½ Teaspoon

Ek bowl mein 1 tablespoon masoor daal ko grind karlein.aur yaad rahe daal ko grind karte waqt full powder nahi karna balke thora sa danedar chorna hai, scrub ke liye danedar daal bohat amazing result degi phir uske under 1 se 2 tablespoon coconut oil mila dein. Ab in dono ko ache tarah mix kar lein or apne dono hathon pe laga lein or scrub karein iss ke ilawa ye scrub nails ke ass pass ane wali blackness or black nuckless ke liye bhi bahut kamal ki cheez hai hafte mein 2 se 3 bar ye scrubbing soft hathon ke sath massage karte howe zaror use karein, iss ke baad hum ne lena hai neem garam pani tub mein phir iss mein add karein aik nimbo ka rus phir add karein shower gel ya phir half teaspoon shampoo uss ke bad iss mein hathon ko dip karein or lofay (yani jali wala shower scrub) Lofay ke zarye scrub karein hathon pe 5 minutes tak aur phir hathon ko towel se saaf karein. Ab hum banaein gay aik special or sada sa pack jis ke ingredients bhi apko asaani se apne kitchen mein mil jaeingy. Masoor daal ka pehle hum ne scrub mein use kiya tha ab hum pack banane ke liye karne wale hain. Scrub mein danedar ka istemal kiya tha par pack mein hum powder form ka istemal kareinge kyun ke iss ke ander skin ko smooth aur color ko bright karne ki zabardast salahiyat paye jati hai aur masoor daal ke ander antioxsident hone ki wajjah se ye umer ke asrat ko bhi halka karti hai.

Ingredients

1. Masoor daal (Red Lentil) - 1 Tablespoon Powder Form
2. Vaseline ½ Tablespoon
3. Aloevera Gel - 2 Tablespoon

Sabse pehle ek bowel lein phir uss mein add karein masoor daal 1 tablespoon, half tablespoon vaseline mila dein aur last mein dalein 2 tablespoon aloevera gel phir in sub ko achi tarah mix kar lein uss ke baad apne hathon par laga lein 15 minutes tak laga kar rakhein phir lukewarm water (yani neem garam pani) se wash karlein ab ye remedy try karne ke baad apko kisi cheez ki zarorat nahi lekin yaad rakhein hathon ko naram aur mulayam rakhne ke liye rozana coconut oil lagana hai hathon par sone se pahle. Agar oil halka garam ho tu best hai or 2 se 3 minute massage zaror karein. Mujhe umeed hai ye remedy apko pasand aaye hogi iss home remedy ko hafte mein 2 se 3 baar use karein hath chamchama jayenge aur har koi ghar mein hath ki khubsorti ka raaz poche ga.